अशोक पाटील यांच्या शिक्षण बीए बीएड झाले असून ते सध्या आसळज येथील मा उदय उर्फ बाळ पाटील माध्यमिक विद्यालयात मुख्याध्यापक या पदावर कार्यरत आहेत. त्यांनी आपली मुख्याध्यापक पदाची धुरा अगदी यशस्वीपणे सांभाळत अनेक विद्यार्थ्यांचे भविष्य उज्वल केलय. त्यांची विद्यार्थ्यांमध्ये एक कर्तव्यदक्ष आणि शिस्तप्रिय शिक्षक अशी ओळख आहे. शिस्तीसोबतच आपल्याला लागवी आणि प्रेमळ स्वभावाने पाटील यांनी विद्यार्थ्यांच्या मनात घर केलय. 

शैक्षणिक कार्यासोबतच अशोक पाटील यांनी सामाजिक कार्यातही आपला मोलाचा ठसा उमटवलाय. 1991 मध्ये त्यांनी श्रीराम क्रीडा मंडळ मंजूर पैकी पाटील वाडी या मंडळाचे संस्थापक म्हणून कार्यभार सांभाळला, तसेच 2002 मध्ये श्री शंकर धोंडी सहकारी सेवा संस्था पाटील वाडीचे संस्थापक, ग्रामदैवत रामेश्वर मंदिराच्या बांधकाम कमिटीचे अध्यक्ष, त्याचबरोबर श्री ज्योतिर्लिंग दूध संस्था पाटील वाढीचे संस्थापक चेअरमन असा अनेक पदांचा कार्यभार सांभाळत ते आपल्या मुख्याध्यापक पदाची कर्तव्य यशस्वीरित्या पार पाडत आहेत. त्याचबरोबर तंबाखू मुक्त अभियान, साक्षरता अभियान, स्वच्छ भारत अभियान, स्वच्छ सुंदर शाळा अभियान अशा विविध अभियानांमध्ये ते स्वयंस्फूर्तीने सहभाग नोंदवत असतात. अशा कर्तव्यदक्ष आणि शैक्षणिक कार्यासोबतच समाजकार्याची जाण ठेवणारे मुख्याध्यापक अशोक पाटील त्यांच्या कार्याला सलाम.