अपार कष्ट, लाघवी स्वभाव, कर्तव्यनिष्ठा , क्रियाशील व उपक्रमशील विद्यार्थी प्रिय शिक्षिका म्हणून परिचित असलेल्या परशुराम विद्यामंदिर/ माधव विद्यालय गगनबावडा इथे अध्यापिका म्हणून कार्यरत असलेल्या सौ सरिता सोमनाथ भोरे यांना स्पीड न्यूज ट्वेंटी फोर चा राज्यस्तरीय शिक्षण पुरस्कार जाहीर करण्यात आलाय. 

सरिता भोरे ह्या गगनबावडा तालुक्यातील रहिवासी असून एक आदर्श शिक्षिका म्हणून सर्वत्र त्यांची ओळख आहे. विद्यार्थ्यांच्या सर्वांगीण विकासासाठी आणि प्रगतीसाठी नेहमीच तत्पर असल्यामुळे विद्यार्थ्यांमध्ये प्रिय शिक्षिका म्हणून विशेष ओळख आहे. सलग चार वर्षे विना वेतन अध्ययनाचे सामाजिक कार्य समाजाला नवीन दिशा देणारं ठरत आहे. अप्रगत विद्यार्थ्यांना मराठी, गणित आणि इंग्रजी विषयांमध्ये त्या नेहमीच मार्गदर्शन करत असतात. त्याचबरोबर शिष्यवृत्ती प्रज्ञाशोध गुरुकुल सहाय्या गिरी परीक्षा संदर्भात मिळणारे मार्गदर्शन विद्यार्थ्यांसाठी उपयुक्त ठरतं. दरम्यान गतवर्षी सरिता भोरे यांना महाराष्ट्राची रणरागिणी या पुरस्काराने सन्मानित करण्यात आले आहे. विनामूल्य अध्ययनाचे सामाजिक कार्य करणाऱ्या अशा या शिक्षण क्षेत्रातील रणरागिणीला सलाम.