रात्री झोपण्याआधी अनेक लोक एक ग्लास दूध पिण्याची सवय लावतात. पण जर आपण साधं दूध न पिऊन त्यात तुळस आणि काळी मिरी मिसळून प्यायले तर त्याचे आरोग्यदायी फायदे आपल्याला दुप्पट मिळू शकतात. यामध्ये असलेले पोषक घटक आपल्याला विविध आजारांपासून संरक्षण देतात. तुळस आणि काळी मिरी या दोन घटकांचे दूधात मिश्रण करून पिल्याने काय फायदे होतात ते जाणून घेऊया.

१. झोपेची गुणवत्ता सुधारते

दुधात काळी मिरी मिसळल्याने त्यातील ट्रिप्टोफॅन आणि कॅल्शियमचे शोषण वाढते. हे घटक मेंदूतील सॅरोटोनिन आणि मेलाटोनिनची पातळी सुधारतात, ज्यामुळे शांत झोप लागते. ज्यांना निद्रानाशाचा त्रास आहे, त्यांनी हे दूध पिल्यास फायदेशीर ठरते.

२. पचनक्रिया सुधारते

काळी मिरी पचनक्रिया सुधारण्यासाठी खूप उपयुक्त आहे. दुधात काळी मिरी टाकून पिल्याने पोटातील अ‍ॅसिडिटी कमी होते आणि अन्न सहजपणे पचते. तसेच गॅस, अपचन आणि पोटाशी संबंधित समस्यांपासून आराम मिळतो.

३. सर्दी आणि खोकल्यापासून आराम

तुळस आणि काळी मिरी यांचे दूधात मिश्रण करून पिल्याने सर्दी, खोकला आणि घशाच्या संसर्गापासून आराम मिळतो. तुळशीतील अँटिऑक्सिडंट आणि जीवाणुरोधक गुणधर्म श्वसन प्रणाली स्वच्छ ठेवण्यास मदत करतात. त्यामुळे सर्दी-खोकल्याचा त्रास असलेल्या व्यक्तींनी हे दूध अवश्य प्यावे.

४. मानसिक ताण कमी करतो

तुळशीच्या दुधाचे सेवन मानसिक ताण कमी करण्यात मदत करते. तुळस आणि काळी मिरीमधील अँटिऑक्सिडंट घटक मनाला शांती देतात. त्यामुळे दिवसाच्या ताण-तणावानंतर शांत झोप घेण्यासाठी हे दूध प्रभावी ठरते.

५. प्रतिकारशक्ती वाढवते

तुळशीतील अँटिऑक्सिडंट गुणधर्म शरीराची प्रतिकारशक्ती वाढवतात. त्यामुळे हिवाळ्यात किंवा ऋतुमान बदलाच्या काळात सर्दी, खोकला किंवा इतर संसर्गजन्य आजारांपासून बचाव होतो.

६. हाडे आणि दात मजबूत करतो

दुधात तुळस आणि काळी मिरी मिसळून प्यायल्याने त्यातील कॅल्शियम आणि मॅग्नेशियम हाडांना आणि दातांना मजबूती देतात. यामुळे हाडे मजबूत होतात आणि हाडांशी संबंधित विकारांपासून संरक्षण मिळते.

कसा करायचा हा घरगुती उपाय?

१. एक ग्लास दुध गरम करून घ्या. २. त्यात ५-६ तुळशीची पाने आणि २-३ चिमूटभर काळी मिरी पावडर टाका. ३. दूध चांगले उकळल्यानंतर गाळून घ्या आणि गरम-गरम प्या.

तुळस आणि काळी मिरी यांचा दूधातील समावेश केल्याने शरीराला अनेक फायदे मिळतात. त्यामुळे रात्री झोपताना एक ग्लास तुळस आणि काळी मिरी टाकलेले दूध पिणे हा एक उत्तम आरोग्यदायी उपाय ठरू शकतो

कोणताही घरगुती उपाय करण्याआधी वैद्यकीय सल्ला घ्या, विशेषतः जर तुम्हाला कोणत्याही अॅलर्जीचा त्रास असेल तर.